Naim Selmani, gazetar sportiv nga Kosova, bëri parashikimet e tij për ndeshjet e sotme të Kupës së Botës Katar 2022.
Në një intervistë për Euronews Albania, gazetari u ndal tek ndeshja e mbrëmjes mes Brazilit dhe Serbisë duke besuar në një fitore të thellë të Brazilit, që sipas tij është ajka e futbollit botëror
“Pres një shkatërrim masiv. Pa dyshim, një pjesë e mirë e futbollistëve serbë luajnë në klubet më të mira evropiane, por kur flasim për futbollin në nivel botëror padyshim ndalemi te Brazili, që është ajka e futbollit botëror. Brazili është nivel tjetër”, tha gazetari.
“Dy rezultate për Brazil-Serbi, një që ta do shpirti ty dhe një që mund të jetë me të vërtetë”, ishte kërkesa e moderatores Esmeralda Mulaj.
“7-0 është ajo që dëshiroj unë dhe në realitet mendoj se del 4-1”, tha gazetari.
Katar 2022/ Ndeshjet e sotme
Zvicër-Kamerun, ora 11:00
Uruguaji-Kore e Jugut, ora 14:00
Portugali-Gana, ora 17:00
Brazil-Serbi, ora 20:00
LEXONI GJITHASHTU:
- ‘Mbizotërojnë tifozët sauditë’, shqiptari tregon atmosferën në Katar
- Spanja ‘shkatërron’ 7-0 Kosta Rikën në Katar