Bregdeti i Velipojës mbushet me mbetje plastike, alarm mjedisor në Shkodër

Velipoja po përballet me një situatë alarmante mjedisore, pasi bregdeti është mbuluar nga tonelata mbetjesh plastike të sjella në brigjet e saj pas reshjeve të dendura dhe detit të trazuar të ditëve të fundit.

Gjatë ditës së hënë, në zonën bregdetare vërehet se disa biznese lokale kishin nisur procesin e pastrimit të rërës, duke ndërhyrë për largimin e mbeturinave të shumta të depozituara përgjatë vijës bregdetare.

Situata ka sjellë reagimin e shoqatave mjedisore, të cilat kanë njoftuar organizimin e një aksioni të gjerë pastrimi më 10 dhjetor, me fokus bregdetin e Velipojës.

Ndikimi i ndotjes që vjen nga territori shqiptar është ndjerë edhe jashtë kufijve. Ditë më parë, në Kroaci, në portin e vjetër të Dubrovnikut dhe plazhin Banje, janë konstatuar sasi të mëdha mbetjesh plastike të mbërritura nga Shqipëria, të identifikuara përmes etiketave dhe simboleve në ambalazhe.

LEXONI GJITHASHTU:

• Fermerët grek tentojnë të përmbysin furgonin e policisë
• EMRI| Tentoi të vrasë një person në Velipojë, ekstradohet nga Italia 26-vjeçari