Britania në ‘kaos’ politik/ Hasani: Largimi i Braverman, lajm i mirë për shqiptarët

Ditën e sotme, Suela Braverman, u shkarkua nga posti i Sekretares së Brendshme britanike, me urdhër të kryeministrit Rishi Sunak.

Shkarkimi i saj erdhi për shkak të qëndrimeve të saj ndaj protestive pro-Palestinës dhe luftës në Gaza në tërësi.

Avokati Naim Hasani në një inter

vistë për Euronews Albania, tha se shkarkimi i Braverman është një lajm i mirë për shqiptarët pasi sekretarja ishte kundër emigrantëve shqiptarë.

Mes tjerash ajo theksoi se ajo duhet të largohej nga posti që mbante pasi e kishte tepruar me deklaratat që bënte.

Më tej ai nënvizoi se largimi i Suela Braverman është një fitore për ligjin, për emrin dhe reputacionin e Britanisë në botë

“Është një moment shumë i rëndësishëm jo vetëm për qeverinë britanike por në radhë të parë për komunitetin shqiptar në Britani. Britania duhet të jetë vendi që marrin shembull të gjithë vendet e tjera.  Një ministre e Brendshmë si Braverman, kontraverse që ka qenë hapur kundër shqiptarëve, ka qenë kundër bashkëjetesës multietnike në Britani. Ajo duhet të largohej pasi e kishte mbushur kupën me deklaratat e saj.  Largimi i saj është një fitore për ligjin, për emrin dhe reputacionin e Britanisë në botë. Rishi Sunak duhet të bëjë kujdes që figura të tilla mos të vijnë më në qeverinë britanike. Qytetarët britanikë po e festojnë në njëfarë mënyre largimin e saj”-tha ajo.

LEXONI GJITHASHTU:

• Agjencia e OKB-së: Marina izraelite goditi një objekt tonin. Gaza, e pasigurt
• Cilësonte shqiptarët si “pushtues”, kush është sekretarja britanike e shkarkuar