Çako zbulon ndihmën për Turqinë: Do nisim 38 specialistë kërkim-shpëtimi e mjekë

Haki Çako, kreu i emergjencave civile tha se një grup prej 38 personash do të niset drejt Turqisë me avion të posaçëm për t’u ardhur në ndihmë vendeve të prekura nga tërmeti tragjik që mori jetën e më shumë 1200 personave dhe la të plagosur mijëra të tjerë.

Në një intervistë për Euronews Albania, ai tha se në ekip janë specialistë kërkim-shpëtimi por dhe ekipe mjekësore.

Përveç tyre Çako bëri me dije se kanë dhe kapacitete të shtuara dhe nga struktura të tjera operacionale.

“Ne kemi shprehur gatishmërinë tonë për të qenë pjesë e grupeve të kërkim shpëtimit mbi bazën e kërkesave të paraqitura nga autoritetet turke. Pas pak do të nisen ekipet e kërkimit me avion të posaçëm, direkt në Turqi dhe do të fillojnë punën. Ekipet tona përbëhen nga specialist kërkim-shpëtimi por dhe nga ekipet mjekësore. Kemi dhe kapacitete të shtuara edhe nga struktura të tjera operacionale, qofshin ato të mbrojtjes  nga zjarri, por dhe njësi vullnetare të cilët do të presin në gatishmëri nëse do të jetë e nevojshme për të vazhduar në zonat e prekura”- tha ai.

LEXONI GJITHASHTU: 

• Mjeku shqiptar në Turqi zbulon historinë e trishtë të kolegut: Humbi gjithë familjen
• Gazetari bën deklaratën e fortë: Alda Klosi ka folur me ish-shefat, SPAK ka përgjime