“Secili të japë gjak e para”, Rroca tregon si e mori vesh lajmin e tërmetit

Eduart Rroca, futbollist në Stamboll tha se lajmin për tërmetin që tronditi mëngjesin e ditës së sotme Turqinë e mori nga Shqipëria, pasi të afërmit e kishin marrë në telefon.

Në një lidhje të drejtpërdrejt për Euronews Albania, ai tha se Stambolli vendi në të cilin jeton është i qetë, ndërsa shtoi se çdo qytetari i është bërë thirrje për ndihmë.

Më tej Rroca nënvizoi se kudo në Turqi janë hapur pika ndihme.

“Jam zgjuar në mëngjes dhe lajmin e mora  nga Shqipëria sepse më morën në telefon nga Shqipëria. Nuk ishim zgjuar akoma nga gjumi. Situata në Stamboll është e qetë dhe kushtet klimatike nuk janë të përshtatshme dhe thuajse çdo gjë është e mbyllur sepse kushtet janë shumë të vështira.

Ekipi jonë këtë javë është pushim, nuk kemi ndeshje. Nuk kemi pasur ende ndonjë njoftim nëse do të ketë shtyrje të ndeshjes. Situata në juglindje është shumë e vështirë dhe shpresoj se do të bëhet më e mira dhe të kalojë sa më shpejt. Turqia ka bërë gradën e katërt të emergjencës civile dhe i ka kërkuar ndihmë të gjithë shteteve  ndërkombëtare për ndihmë. Janë bërë thirrje që secili të japë ndihmë në para, në gjak, janë hapur pika ndihme kudo”- tha ai.

LEXONI GJITHASHTU: 

• Gazetari bën deklaratën e fortë: Alda Klosi ka folur me ish-shefat, SPAK ka përgjime
• “Ndërpritet energjia në Turqi”, qytetari: Gaziantepi qyteti më i prekur nga tërmeti