Analisti Arjan Çani thotë se kryeministri Edi Rama nuk e ka të nevojshme të japë shpërblime apo të rrisë rrogat para fushatës elektorale, pasi sipas tij, i ka të fituata zgjedhjet.
Në emisionin “Now” në Euronews Albania, Çani u shpreh se Ramën e favorizon sistemi zgjedhor.
“Unë, personalisht mendoj që nuk është se ndikon shumë 5 mijë lekshi te vota. Mendoj se pensionistët e kanë ndarë mendjen me kohë. Ka një pjesë që votojnë PS-në, ka edhe ca të tjerë që hyjnë në një tjetër sferë që janë kundra çdo qeverie. Nuk ndikon 5 mijë lekshi te vota. Rritja e rrogës minimale, për mua është lajm për ata që nuk kanë të ardhura të tjera.
Asnjë nuk ka ndryshuar. Edhe po të rritet me 30 mijë lekë rrogat, do rriten çmimet. Asgjë nuk do ndryshojë. E gjitha është një iluzion i madh, një mashtrim. Njerëzit kanë nevojë të mashtrohen dhe Rama e di këtë. Po bën detyrë, do të rrijë në pushtet. Se kuptoj pse po jep para në zgjedhje, edhe po mos të japë i fiton zgjedhjet. Sistemi e favorizon”, theksoi ai.