Çatitë mbushen me panele diellore, OSSH: Janë instaluar 1025 impiante

Operatori i Sistemit të Shpërndarjes, ka njoftuar se 1025 abonentë kanë instaluar panele diellore për vetëprodhimin e energjisë elektrike. Pjesa më e madhe e tyre janë vendosur në Tiranë dhe Durrës nga familjarët.

Kursimi i energjisë elektrike po shihet me përparësi nga qytetarët dhe bizneset. Ata po vendosin panele diellore, të cilat u shërbejnë për ngrohjen e ujit pa kosto. Me mbështetjen e shtetit, i cili ka bërë thirrje për këto masa në fund të vitit të kaluar, deri më tani janë instaluar 1025 impante fotovoltaikë.

Numrin e bën të ditur Operatori i Sistemit të Shpërndarjes, i cili thotë se, fuqia e përgjithshme e instaluar arrin në 102 MË. Pjesa më e madhe e tyre janë të vendosur në Tiranë dhe Durrës. Këto dy rrethe përbëjnë 60% të totalit me 627 panele.

Më herët, Enti Rregullator i Energjisë ka deklarua se pjesa më e madhe e impianteve të lidhur me rrjetin iu përkasin bizneseve, që shfaqën interes të shtuar për vetëprodhimin e energjisë, pas nxjerrjes së tyre në tregun e liberalizuar në janar të vitit që shkoi, çka solli përballjen me çmime të larta të energjisë.

Agjencia e Efiçencës së Energjisë ofroi ndihmë për 4000 panele që janë kërkuar nga individët, duke paguar 70% të vlerës së panelit.

LEXONI GJITHASHTU: 

• Gazetari detaje nga jeta e Hutrës në burg: Ka mllef! S’e duan aty, ka thyer kodet
• VIDEO/ Shoferi nuk e priti të kalonte rrugën, elefanti sulmon dhe përmbys kamionin