Censi i 2011 në dëm të myslimanëve? Sekretari i Këshillit Ndërfetar: Skandali i madh

Flet Sekretari i Këshillit Ndërfetar, Genti Kruja foli në lidhje me censin që do të bëhet këtë vit për regjistrimin e banesave dhe popullsisë.

I  ftuar në emisionin “Now” në Euronews Albania, ai bëri me dije se besimtarëve u është bërë thirrje që të vetëdeklarohen në cens për besimin e tyre.

Më tej ai theksoi se ky shqetësim ka ardhur pasi në vitin 2011 shumë besimtarë nuk janë regjistruar.

“Komuniteti fetar u ka bërë thirrje besimtarëve të tyre, që të vetëdeklarohen për besimin tek censi. Pra nuk është  një shqetësim aktual, por është një shqetësim i mbartur nga censi i fundit  në vitin 2011 i kontestuar në komunitetet fetare, jo për arsye të numrave por për arsye të problematikave në numërimin e popullsisë.  Një nga problematikat e vitit 2011, ku duke filluar nga kryetari i komunitetit mysliman ku deklaroi se familjarisht nuk është numëruar ne censin e  2011. Po ashtu dhe unë atëherë nuk kam qenë regjistruar në cens. Mesa u tha dhe nga ministrja nuk besoj se do të përsëriten problemet e mëparshme”-tha ai.

LEXONI GJITHASHTU: 

• Debati për censin/ Iljazaj- Ibrahimajt: Ç’punë ka shteti me fenë dhe etninë?
• Mln euro për censin, ministrja Ibrahimi: Kemi blerë tableta, kushton shumë sistemi