Debati për censin/ Iljazaj- Ibrahimajt: Ç’punë ka shteti me fenë dhe etninë?
Analisti Ervis Iljazaj ishte i ftuar këtë të hënë në emisionin “Now me Erla Mëhillin” për të folur rreth censusit të banesave dhe popullsisë në Shqipëri. Në studio ai ka pyetur ministren e shtetit për Sipërmarrjen Delina Ibrahimaj se përse në census janë vendosur pyetje për fenë dhe etninë.
Sipas tij këto pyetje nuk kanë kuptim të vendosen në census pasi sipas tij “shteti nuk ka punë se çfarë feje ka populli”.
Ministrja u përgjigj se pyetjet nuk janë pa kuptim, por gjithsesi në census ka të dhëna të tjera shumë të rëndësishme për t’u marrë dhe nuk duhet t’u kushtohet kaq shumë vëmendje pyetjeve të cilat nuk janë të detyrueshme.
Pjesë nga biseda:
Ervis Iljazaj: Po ç’punë ka shteti me fenë? Unë nuk e kuptoj. Kjo shërben si debat këtu në Shqipëri. Jo më kot e drejta ndërkombëtare nuk e ka fare detyrim që në cens të jenë pyetje ndërkombëtare e madje edhe etnike. Greqia për shembull nuk e ka fare as etninë as gjuhën as kombin dhe asgjë në cen sin e vet. Kam përshtypjen se i hedhim benzinë zjarrit, unë këtë përgjigje nuk e kthej dot. Ç’punë ka shteti me fenë.
Ministre Delina Ibrahimaj: Shtete të tjera si Greqia, Italia e vende të tjera janë shtete të cilat kanë të dhëna dhe regjistra statistikor shumë të detajuar për çdo element, si feja, gjuha apo etnia. Janë në regjistra statistikorë.
Ervis Iljazaj: Po prap nuk mu përgjigjët ç’punë ka shteti me fenë dhe kë besojnë shqiptarët. Kjo nuk ka kuptim filozofik, sociologjik, politik. Nuk ka sens.
Ministre Delina Ibrahimaj: Patjetër ka kuptim sociologjik. Megjithatë është shumë e rëndësishme që debati të mos përqendrohet në këto pyetje të cilat nuk janë as të domosdoshme.
LEXONI GJITHASHTU:
Shpërthim tritoli në derën e një dyqani në Laç, panik te qytetarët
Detaje nga vrasja e efektivit në Maliq, autori gjakftohtë, nuk shfaqi asnjë pendesë pas arrestimit
Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 13:09 Kosta me Vuçiç: Dialogu Kosovë-Serbi dhe marrëveshja e Ohrit, jetike për sigurinë e rajonit
- 12:55 Shpërthim tritoli në derën e një dyqani në Laç, panik te qytetarët
- 12:48 “Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë
- 12:37 Vuçiç konfirmon se do të shkojë në Mal të Zi për samitin BE-Ballkani Perëndimor
- 12:13 Lamallari për ngjarjen në Maliq: Do të bëhet vlerësim i plotë dhe do të merren masat e duhura
- 12:12 SPAK shpall pretencën për një fraksion të dosjes “Revanshi”, kërkon 98 vjet burg për 7 të pandehur