Fabula që ndërtoi prokuroria në vitin 2009 është që demontimi ishte një aktivitet kriminal për përfitime dhe qëllime kriminale. Kjo nuk është e vërtetë. Kështu deklaroi kreu i Partisë Republikane, Fatmir Mediu tha në një intervistë për Euronews Albania ndërsa komentoi çështjen “Gërdeci”.

Ai u shpreh se demontimi ishte një detyrim në interes të sigurisë kombëtare për shkak të mbi 180 mijë ton municioneve që kemi trashëguar nga koha e komunizmit dhe që një pjesë e tyre mund të vetëshpërthenin.

“Unë si ministër në çdo kontakt me partnerët që kam pasur, me ministrat e Mbrojtjes kam shtuar interesin e bashkëpunimit për demontimin,” – pohoi Mediu i cili theksoi se demontimi ishte me një kosto të papërballueshme nga Forcat e Armatosura dhe buxheti.

LEXONI GJITHASHTU:

• Mediu tregon bisedën me prokurorin e SPAK-ut
• “Gërdeci”, Mediu: Procesi i drejt ligjor është ai që çon në përfundime të sakta