Çështja Kosovë-Serbi, flet eksperti: Britania bëri thirrje që Prishtina të armatoset

Tema e kësaj të premteje në Euronews Albania, në emisionin e Franko Egro Balkan Talks, ka qenë “Plani i fuqive të mëdha për Serbinë dhe Kosovën”.

Lidhur me këtë çështje ka dhënë detaje eksperti i raporteve ndërkombëtare, Emanuel Bajra nga Londra, i cili ka thënë se Britania e Madhe është e investuar, sipas tij, të jetë ndërmjetëse për të zgjidhur çështjen e Kosovës.

Nga ana tjetër, ai ka thënë se Britania e Madhe, tre vitet e fundit, ka bërë thirrje që Kosova të armatoset, çka duket një sinjal, sipas tij, që Londra është e interesuar për të vijuar mbrojtjen e Kosovës.

“Është multidimensionale e Britanisë për Kosovën, sidomos këto vitet e fundit, si strategjikisht dhe taktikisht. Një masë e madhe e njohjeve 2008–2012 ishin nga Britania e Madhe, që ishin nga kolonia e Britanisë. Tanimë jemi në një kontekst më të urryer, por ndryshe. Për ne, pyetja është se çfarë progresi duam? Ne duam njohjen e Kosovës dhe, në anën tjetër, BE imponon masa që janë të padrejta. Britania i ikën sanksioneve, por dhe luan rolin e ndërmjetësit BE–SHBA. Mos harroni se SHBA deri në 2019 kishin më tepër leva ndaj BE-së për politikat në Kosovë. Patëm një masë më të madhe mes dy shteteve në Shtëpinë e Bardhë. Kosova trajtohet si çështje e pazgjidhur, dhe çfarë nuk është e zgjidhur është raporti Serbi–Kosovë. Gjatë tre viteve të fundit, Britania e Madhe ka bërë thirrje që të armatoset Kosova,” – tha eksperti nga Londra, Emanuel Bajra, studiues i marrëdhënieve ndërkombëtare.

LEXONI GJITHASHTU:

• Arritjet në 6 muaj të Trump, Leavitt: Ndalimi luftës Kosovë-Serbi, sukses diplomatik
• Prokuroria në Kosovë ngre aktakuzë ndaj dy personave për kanosje ndaj Kurtit