Çfarë fshihet pas sulmit ndaj statujës së Nënë Terezës? Gazetari zbulon detaje 

Një sulm vandalizmi u regjistrua pak ditë më parë në Brookyn të SHBA. Një person, i cili është arrestuar nga autoritetet, ka thyer me çekiç statujat e Nënë Terezës dhe Papa Françeskut në një kishë katolike.

Gazetari Denion Ndrenika tha në një intervistë për Euronews Albania nga SHBA se kishte kontaktuar me pastorin e kishës ku kishte ndodhur sulmi, që i kishte konfirmuar se nuk bëhej fjalë për ndonjë sulm me një prapavijë të caktuar.

“Ka qenë një 30-vjeçar autori i dyshuar për sulmin. Kontaktova me pastorin e kishës që theksoi se kanë qenë të tronditur nga kjo ngjarje, por kanë kuptuar se nuk bëhet fjalë për ndonjë sulm me prapavijë pasi është vërejtur e se ky person ka ndërmarrë akte vandale edhe ndaj makinave apo dyqaneve në zonë duke iu thyer xhamat. Pastori theksoi se një person është ofruar vullnetarisht në restaurimin e statujave të shkatërruara”, tha gazetari.

LEXONI GJITHASHTU:

• Papa takon komedian nga e gjithë bota: Shpesh lutem që Zoti të më japë humor
• Papa Françesku përdori edhe një herë termin homofobik për të cilin kërkoi falje