Luftimet sa vijnë dhe ashpërsohen në lindje, ku forcat ruse po godasin objektiva vazhdimisht.
Të mërkurën, Bashkimi Evropian pritet të zbulojë planet për sanksione të reja ndaj industrisë së naftës ruse, duke shtuar presion të mëtejshëm ekonomik ndaj regjimit të Putinit. Megjithatë, ka disa mosmarrëveshje midis anëtarëve se sa të forta duhet të jenë këto sanksione.
Udhëheqësi i opozitës gjermane Friedrik Merz u takua me presidentin e Ukrainës Volodimir Zelenskin në Kiev të martën, politikani i parë i lartë gjerman që e bën këtë. Kancelari Olaf Sholc është përmbajtur deri më tani.
Ndërkohë, të paktën 156 të evakuuar më në fund arritën të ikin nga një fabrikë çeliku në qytetin e shkatërruar të Mariupolit.
Grupet e shpëtimit humanitar kanë festuar përpjekjet, por thonë se shumë njerëz të tjerë mbeten ende në “ferr”.
Rusia nisi edhe sulme të reja në perëndim të Ukrainës të martën, duke goditur termocentralet në qytetin e Lvivit, i cili shihet si relativisht i sigurt. Gjashtë stacione hekurudhore u goditën gjithashtu.
LEXONI GJITHASHTU:
