Cilat janë shtete që kryesojnë për jetesën me qera?

Për shqiptarët prona është diçka e shenjtë, ndaj të pasurit një të tillë është ndër qëllimet kryesore të tyre.

Nisur nga raporti i “Agjencisë Europiane të Statistikave” mbi strehimin në Europë, vendi ynë bën pjesë në listën e shteteve që shumica e familjeve kanë në pronësi një banesë.

Përqindjet tregojë se nga 755 mijë familje, rreth 623 mijë ose 82.5%, kanë në emër të tyre shtëpinë ku jetojnë, ose janë në proces të marrjes së aktit ligjor. Pjesa tjetër janë qiramarrës, me 17.5%.

Në vitin 2023, rreth 69% e popullsisë së BE-së zotëronin shtëpinë e tyre, ndërsa 31% e mbetur jetonin në banesa me qira. Shtetet me përqinjet më të larta të pronësisë u vunë re në Rumani, ku 96% e popullsisë jetonte në një familje që zotëronte shtëpinë e tyre, Sllovaki me 94% dhe Kroaci e Hungari të dyja me 91%. Pasojnë në renditje Lituania, Polonia, Bullgaria, Letonia dhe Shqipëria.

Në të gjitha vendet e BE-së, përveç Gjermanisë, zotërimi ishte më i zakonshëm. Në Gjermani, dhënia me qira ishte disi më e lartë me 52% të popullsisë që ishin qiramarrës.

LEXONI GJITHASHTU:

• Kostoja e jetesës në Shqipëri vs BE/ Krahasimet në çdo aspekt
• Rritet kostoja e jetesës në Shqipëri, sa shpenzon mesatarisht një familje në muaj