Cufaj: Ndërkombëtarët do detyrojnë Kosovën dhe Serbinë të nënshkruajnë marrëveshje

Republika Federale e Gjermanisë është angazhuar maksimalisht në arritjen e marrëveshjes finale mes Kosovës dhe Serbisë.

Në emisionin “Balkan Talks” në Euronews Albania, ish-ambasadori i Kosovës në Berlin dhe eksperti më i njohur i marrëdhënieve gjermano-ballkanike, Beqë Cufaj deklaroi se Prishtina dhe Beogradi do detyrohen nga vendimarrësit ndërkombetarë ta nënshkruajnë atë gjatë vitit të ardhshëm.

“Jemi në një situatë shumë të thjeshtë. Jemi në një situatë aq të thjeshtë, kur qoftë Prishtina, qoftë Beogradi kanë vetëm një alternativë. Ajo alternativë quhet draft marrëveshja. Deshën apo nuk deshën krerët e shtetit të Kosovës, kjo marrëveshje nuk ka alternativë.

Duhet parë edhe në kontekstin historik të shtetbërjes së Kosovës. Kemi situatën tani, në bisedat pas shpalljes së pavarësisë, në vitin 2013 u nënshrkau marrëveshja e parë mes Kosovës dhe Serbisë. Tani jemi në një situatë të re. Nëse kjo draft marrëveshje e publikuar është ideale, natyrisht që nuk është ideale, por kush humbet me këtë marrëveshje më shumë? Unë them Serbia”, theksoi ai.

LEXONI GJITHASHTU

• KFOR: Po shqyrtojmë kërkesën e Serbisë për kthimin e trupave në Kosovë
• Kurti: Jemi në pritje të KFOR-it për heqjen e barrikadave në Veri
• Serbia i dërgon kërkesën KFOR-it për kthimin e trupave serbe në Kosovë