Dakordësia me PS për komisionet, Bardhi: Pas 5 muajsh mazhoranca ka reflektuar

Në Konferencën së Kryetarëve, që u zhvillua këtë të martë u arrit dakordësia mes mazhorancës dhe opozitës për ngritjen e komisioneve hetimore.

Kreu Grupit Parlamentar demokrat Gazment Bardhi, në një deklaratë për mediat u shpreh se pas 5 muajsh mazhoranca reflektoi, duke pranuar kërkesën e opozitës që komisionet hetimore për sterilizimin dhe të dhënat personale të ngrihen.

Mes tjerash ai tha se opozita kërkon që Kuvendi t’i rikthehet normalitetit.

“Sot pas 5 muajsh, mbledhja e konferencës s ë kryetarëve u kthye në 12 tetor, atje ku nisi motivi i legjitim i opozitës për të penguar funksionimin normal të Kuvendit. I kam  bërë apel kolegëve të mazhorancës që të mos marrin vendim të nxituar. Të marrin kohën e nevojshme për një dialog parlamentar të nevojshëm në një vend anëtar të NATO-s, por me arrogancë në 12 tetor u vendos rrëzimi  i kërkesës për komisionin hetimor lidhur me kontratat koncensionare në shëndetësi dhe rrëzimi i komisionit hetimor për sistemin TIMS dhe refuzimi i kërkesës së opozitës për të ndryshuar përbërjen e Komisionit të Reformës Zgjedhore. Është lajm i mirë që pas 5 muajsh mazhoranca ka reflektuar. Sot ishte një diskutim dhe vendimarrje në parim.

Të mos e raportojmë si një çështje të mbyllur. Kemi rënë dakord për ngritjen e komisionit hetimor për koncensionin e sterilizimit dhe ngritjen e komisionit hetimor për të dhënat e sistemit TIMS. Kemi rënë dakord që çdo ligj që kërkon 3/5 pa përjashtuar ligjin për kodin zgjedhor, të diskutohet në një komision, që do të ngrihet në Kuvendin e Shqipërisë në paritet të plotë mes PD dhe PS, me vendimarrje që merren me konsensusin e të dyja palëve. Për opozitën ka qenë gatishmëria për t’u kthyer normaliteti në Kuvend por që kjo të ndodhë, duhet të plotësohen kërkesat e opozitës.”-tha Bardhi.

LEXONI GJITHASHTU: 

• Dakordësia me opozitën, Çuçi: Rikthyem dialogun, çfarë u vendos për komisionet
• Arrihet dakordësia maxhorancë-opozitë në parim, zbulohen komisionet që do të ngrihen