Datat 10-14 tetor do t’i takojnë kulturës amerikane

Datat 10-14 tetor do t’i takojnë artit amerikan dhe yjeve të Hollivudit. Java do t’i dedikohet krejtësisht kulturës amerikane me muzikë, filma, kulturë, sport dhe argëtim.

I ftuari i nderit të kësaj jave do të jetë ylli i serialit Breaking Bad, RJ MITTE, i njohur për rolin e tij Walt Jr.,  i cili në një videomesazh të publikuar nga Ambasada Amerikane shprehet shumë i emocionuar për vizitën e tij në kryeqytet.

Filmat që do të shfaqen si pjesë e festivalit të filmit gjatë javës amerikane përfshijnë ‘Forest Gump’, ‘Night at the Museum’, ‘Top Gun Maverik‘  dhe ‘The Shawshank Redemption’.

Në aktivitetin përmbyllës të Javës Amerikane artistët do të performojnë muzikë live nga kolonat zanore të filmave të famshëm të Hollivudit!

Gjithashtu  në Këndin Amerikan në Tiranë do të zhvillohen aktivitete për fëmijë.

Të gjitha këto aktivitete do të jenë pa pagesë dhe të hapura për këdo që do të jetë pjesë.

LEXONI GJITHASHTU:

• ‘Fundjava amerikane’ në Gjirokastër/ Aktivitetet kulturore e tërheqin turistët
• Panairi i traditës në Kolonjë, promovimi i vlerave kulturore, ushqimeve dhe muzikës