Deklarata e fortë e aktorit Morina: Politika na ka kërcënuar

Aktori Ardian Morina rrëfeu në një intervistë për Euronews Albania vështirësitë e sjelljes në skenë të shfaqjeve kritike.

I pyetur nëse politika shfaq interes për të ndjekur shfaqje të tilla, ai tregoi se kanë marrë edhe kërcënime nga politikanë të Kosovës.

“Kryesisht ata që janë në opozitë vijnë më shpesh t’i shohin shfaqjet, ndërsa kur vijnë në pushtet është pak më rrallë. Kemi pasur disa herë edhe kërcënime në varësi të temës që ne trajtojmë. Më kujtohet në vitin 2011 ‘Fluturim mbi teatrin e Kosovës’ dhe nuk na dhanë hapësirën për ta bërë duke qenë se qendra multimedia nuk ka një hapësirë të vetën dhe funksionon brenda teatrit Oda. Për një kohë të gjatë ka pasur një hapësirë shumë të vogël shfaqjet detyrimisht duhet të luheshin në Teatrin Kombëtar sepse nuk kemi pasur hapësira të tjera,” – u shpreh aktori.

Morina shtoi gjithashtu se i kanë larguar nga teatri duke mos ju dhënë hapësirë për të luajtur në skenë shfaqje që kanë qenë kritike ndaj politikës.

LEXONI GJITHASHTU:

• “Teatri, babai i shumë arteve”, flet regjisorja Driada Dervishi 
• Tornado në SHBA, vdes një person pasi shembet çatia e një teatri