Del nga rruga duke drejtuar motorin, aksidentohet 40-vjeçarja e huaj në Sarandë

Një aksident është regjistruar mëngjesin e të mërkurës në lagjen nr. 2 në Sarandë. Një shtetase e guaj por banore prej dy vitesh në Sarandë e identifikuar si Anastasja Sirotkina, 40 vjeçe duke drejtuar motomjetin tip piaggio me targë BD025 ka humbur kontrollin, ka dalë nga rruga dhe është rrëzuar në hapësirën ndarëse mes trotuarit dhe një pallati aty pranë.

Mes kësaj hapësire nuk ka barrierë mbrojtëse që të pengojë, si në rastin konkret, rënien. Kanë qenë banorë të pallatit ata që njoftuan njëherësh spitalin dhe policinë. Menjëherë 40-vjeçarja u transportua për në urgjencën e Sarandës.

Nga ekzaminimi në spital, sipas bluzave të bardha, rezultoi se nga rënia 40- vjeçarja përveç tronditjes nga rënia kishte thyer edhe këmbën. Shërbimet e qarkullimit po hetojnë shkaqet e rënies.