Deputeti që mbështet Alibeajn konfirmon pjesëmarrjen në protestën e Berishës

Deputeti i Partisë Demokratike, Lefter Gështenja, i cili mbështet grupimin e Enkelejd Alibeajt, ka deklaruar se do të marrë pjesë në protestën e 11 shkurtit, që është thirrur nga Sali Berisha.

Në një intervistë për Euronews Albania, Gështenja u shpreh se do të jetë në çdo protestë që ka për qëllim largimin e kryeministrit Edi Rama.

Sipas tij, protestat duhet të shtrihen në kohë dhe qytetarët duhet të qëndrojnë në sheshe.

“Unë kam qenë, jam dhe do të jem pjesë e të gjitha protestave që organizohet kundër këtij regjimi, kundër kësaj qeverie, kundër Edi Ramës.

Personalisht, kam marrë pjesë edhe me miq e dashamirës, në protesta që kanë qenë të organizuara nga Shoqëria Civile. Unë nuk jam organizator i kësaj proteste, por unë do të jem pjesë e kësaj proteste”, theksoi ai.

LEXONI GJITHASHTU

• “I ka bërë llogaritë gabim”, Berisha: Rama kërkon të fitojë zgjedhjet me Alibashën
• Çështja McGonigal, Berisha: Do nxjerrim në dritë çdo fakt të këtij skandali
• A do ketë dhunë në protestën e 11 shkurtit? Flet shefi i organizimit në PD