Deputetja Dhori: S’do të lejojmë që hyrja në Parkun e Divjakës të bëhet me pagesë

Deputetja Ilda Dhori u shpreh në një intervistë për Euronews Albania se nuk do të lejojnë që hyrja në Parkun e Divjakës të bëhet me pagesë.

Ajo tha se  banorët kanë 3 ditë që protestojnë dhe nuk do të lejojnë këtë akt barbar.

“Situata është pak më e qetë. Banorët po protestojnë, është një reagim i përditshëm, ku ne kemi qenë në hyrje të parkut dhe do vijojmë të jemi në park. Kjo është një kauzë qytetare pa ngjyra politike, jam këtu si një qytetare vetë e Divjakës. Është e papranueshme që të bllokohet hyrja e parkut kombëtar, në një prej plazheve më të frekuentuara nga qytetarët. Do vijojmë të jemi këtu, për të mos lejuar vendosjen e kësaj paligjshmërie, do vazhdojmë të kundërshtojmë këtë akt. Është akt arbitrat”, u shpreh deputetja.

Ajo tregoi se i ka dërguar shkresë ministres Mirela Kumbaro dhe kjo e fundit i ka kërkuar që të mbështesë këtë vendim.

“Me shumë mundësi protesta dhe reagimi i sotëm qytetar e arrit qëllimin e sotëm. Ne do vazhdojmë në formën tonë të reagimit”, tha më tej deputetja.

Banorët e Divjakës kanë dalë sot në protestë pasi kundërshtojnë vendosjen e traut në park duke detyruar çdo vizitor që të paguajë një tarifë të caktuar për të hyrë brenda tij.

Çdo vizitor detyrohet të paguajë 50 lekë të reja, ndërkohë për automjetet është vendosur një tarifë prej 150 lekësh të reja.

LEXONI GJITHASHTU:

• Hyrje me pagesë në Parkun e Divjakës, banorët përplasen me policinë, shkulin traun
• Plagosi me thikë kryebashiakun e Divjakës dhe shoferin, lihet në qeli autori
• Fredi Kokoneshi rrugës për te spitali i Traumës, u godit 4 herë me thikë në shpatull