Dëshmitë nga tragjedia në Himarë | 5 zhvillime kryesore

• ‘Manovra u krye me gjakftohtësi’, i riu përlotet teksa tregon tragjedinë në Himarë

Erind Çelmeta, një prej pushueseve i cili ndodhej në plazhin e Potamit në Himarë ditën e djeshme, ka treguar se Arjan Tase, ka kryer me gjakftohtësi manovrën teksa drejtonte mjetin lundrues, duke i marrë jetën një fëmije të mitur 7 vjeç.

Në një intervistë për “Euronews Albania”, ai u shpreh se skafi kishte një fuqi motorike të fuqishme dhe trupin e vajzës e nxori nga deti i ati i saj.

Çelmeta u përlot teksa theksoi se ngjarja ishte tepër e rëndë dhe pushuesit vrapuan të tmerruar.

Lexoni për më shumë: ‘Manovra u krye me gjakftohtësi’, i riu përlotet teksa tregon tragjedinë në Himarë

• ‘Fëmija u vra në breg të detit’, deputeti i PD-së tregon për tragjedinë në Himarë

Deputeti i Partisë Demokratike, Kreshnik Çollaku deklaroi se ngjarja e djeshme në plazhin e Potamit në Himarë, ku një 7-vjeçare u përplas për vdekje nga një mjet lundures, ishte shumë e rëndë, teksa vetë ai ndodhej shumë pranë aty.

Për “Euronews Albania”, Çollaku u shpreh se mjeti lundrues ishte shumë i fuqishëm dhe mbërriti në breg të detit, aty ku dhe përplasi fëmijën e mitur duke i shkaktuar vdekjen.

Lexoni për më shumë: ‘Fëmija u vra në breg të detit’, deputeti i PD-së tregon për tragjedinë në Himarë

• Lleshaj: Sipërfaqja detare e pakontrolluar, si një xhungël ku nuk funksionon ligji

Ish-ministri i Brendshëm, Sandër Lleshaj tha se sipërfaqja detare në Shqipëri është e pakontrolluar dhe është si një lloj xhungle ku nuk funksionon rregulli dhe ligji.

Për “Euronews Albania”, ai u shpreh se sipërfaqja detare ka nevojë të trajtohet si sipërfaqja tokësore, pasi është më e rëndëshime.

Lexoni për më shumë: Lleshaj: Sipërfaqja detare e pakontrolluar, si një xhungël ku nuk funksionon ligji

• VIDEO | Manovra të rrezikshme me mjete lundruese në plazhet e Durrësit

Edhe pse një ditë më parë u shënua një tragjedi në plazhin e Potamit në Himarë, ku një 7-vjeçare u përplas për vdekje nga një skaf, sërish mjetet lundruese qarkullojnë në plazhet e vendit, në zonat pranë pushuesve duke rrezikuar jetët e tyre.

Nga videot e siguruara nga “Euronews Albania”, shihet se në plazhin pranë Portit në Durrës, dy persona drejtojnë mjete lundruese në një distancë të afërt me pushuesit, duke kryer manovra të rrezikshme.

Ndër, në Gjirin e Lalzit, një tjetër person drejton mjetin lundures shumë pranë bregut të detit dhe pushuesve të cilët ndodhen aty.

Lexoni për më shumë: VIDEO | Manovra të rrezikshme me mjete lundruese në plazhet e Durrësit

• Edhe sot ka mjete lundruese të pakontrolluara në Himarë, thotë Rudina Hajdari

Ish-deputetja e Partisë Demokratike, Rudina Hajdari thotë së në plazhet në jug të vendit, edhe sot ka mjete lundruese të pakontrollurara, pavarësisht tregjedisë së djeshme në Potam të Himarës, ku një 7-vjeçare u përplas për vdekje nga një skaf.

Nga Himara, Hajdari u shpreh se shteti duhet të ndërhyjë, pasi sipas saj, këto mjete dhe ata që i drejtojnë në mënyrë jo të rregullt, përbëjnë rrezik për pushuesit.

Lexoni për më shumë: Edhe sot ka mjete lundruese të pakontrolluara në Himarë, thotë Rudina Hajdari