Devoll, 20 biznese kërkojnë ndërtimin e linjës së re të shpërndarjes me energji

Përgjatë rrugës nacionale Zemblak- Bilisht ushtrojnë aktivitetin e tyre dhjetëra biznese. Amortizimi  linjës shpërndarëse të energjisë elektrike i ka shkaktuar shumë probleme mbi 20 sipërmarrjeve industriale.

Për këtë arsye, pronarët kanë ngritur shqetësimin dhe kërkojnë nga shteti ndërtimin e një linje të re të dedikuar për këto biznese, me qëllim shmangien e avarive, kryesisht gjatë dimrit.

“Zona jonë këtu është zonë industriale dhe është e vetmja zonë që nuk ka një linjë elektrike për biznesin. Ne para disa vitesh kur kemi nisur investimin këtu kemi investuar privatisht në linjën elektrike, por linja qe jemi lidhur është rreth 40 km e gjatë dhe ka shumë probleme gjatë dimrit dhe verës. Meqenëse kjo linjë ekziston mendojmë do jetë ndihmë e madhe për gjithë biznesin dhe kemi kërkuar që kjo linjë të qëndrojë e mos prishet”-tha Orion Sejdo sipwrmarrws.

Nënprefekti i qarkut të Korçës, Henrik Rusi tha se është në dijeni të shqetësimit të bizneseve në zonën industriale të cilët kanë kërkuar zyrtarisht zgjidhjen e këtij problemi.

“Jam ne dijeni te problematikës të ngritur nga biznesi. Sigurisht që kam folur me përgjegjësin e OSSHE, prefektin e qarkut, është deleguar si problematike tek administratori i OSSHE në gjithë Shqipërinë jemi në pritje të një vendimi që do merret. Duhet parë nëse ajo linjë është e amortizuar apo mund të jetë aktive dhe e përdorshme për të qenë në përdorim të këtyre bizneseve”-theksoi Henrik Rusi nënprefekt i Korçës.

Pas investimit të kryer nga Operatori i Sistemit të Transmetimit duke ndërtuar një linjë të re të tensionit të mesëm, linja e vjetër vazhdon të jetë funksionale, me të cilën furnizohen dhjetëra bizneseve në zonën e Devollit.

LEXONI GJITHASHTU: 

• Hasani takohet në Hagë me komisionerin e lartë për pakicat kombëtare
• Përplasje në Komisionin e Ligjeve, miratohen ndryshimet në ligjin ‘për prefektin’