‘Dhuna dhe konfliktet nuk sjellin asgjë të mirë’, Abazoviç: Open Balkan i nevojshëm

Kryeministri në detyrë i Malit të Zi, Dritan Abazoviç thotë se në vitin 2023, dhuna dhe konfliktet nuk sjellin asgjë të mirë në marrëdhëmniet mes shteteve në rajon.

Në një intervistë ekskluzive për Euronews Albania, Abazoviç nënvizoi se të gjitha shtetet duhet të dialogojnë, teksa shtoi se për këtë, është e nevojshme nisma Open Balkan.

“Absolutisht, nuk duhet të ulet të bisedojë për të drejtat e saj. Të drejtat e saj askush nuk mundet t’i shmangë. Për problemet të cilat i kemi, faza e parë ësdhtë që të ulemi të gjithë së bashku. Faza e dytë është që të krijohet besim te njëri-tjetri, faza e tretë, pas atij besimi, të fillohen të bëhen gjërat e mira për çdo shtet.

Ky është një mesazh universal. Unë me të vërtetë nuk mund ta kuptoj se si ne mundemi të zgjidhim një problem pa dialog? Nuk mendoj se në shekullin 21, vitin 2023, dhuna, arma, ushtria, policia, konfliktet mundet të sjellin diçka të mirë. Ajo nuk është ideja ime. Dialogu dhe një bisedë e hapur, shumë e sinqertë mund të krijojë një atmosferë të ndryshme “, theksoi ai.

LEXONI GJITHASHTU

• Dritan Abazoviç: Raport miqësor me Ramën e Kurtin, Kosova t’i bashkohet Open Balkan
• Kriza në Malin e Zi, Abazoviç për Euronews: Ka konfuzion, por do zgjidhet
• Abazoviç zbulon mesazhin e librit “Kritika e etikës globale”