Dita ndërkombëtare e gjuhës arabe, konferenca e 2-të me pjesëmarrjen e studiuesve

U zhvillua në Tiranë konferenca e dytë ndërkombëtare për të festuar Ditën Ndërkombëtare Të Gjuhës Arabe, me pjesëmarrjen e studiuesve dhe njohësve të mirë të kësaj kulture.

A e kishit menduar ndonjëherë se egziston një gjuhë, që ka 100 sinonime të fjalës dashuri, ndjenjës më të bukur të jetë?

Dita Ndërkombëtare e Gjuhës Arabe është kremtuar në Tiranë përmes një aktiviteti “Arabishtja – gjuha e poezisë dhe e arteve”, me pjesëmarrjen e studiuesve dhe njohësve të mirë të kësaj kulture.

Nën drejtimin e prof. asoc. dr. Adriatik Derjaj, shef i Departamentit të Gjuhëve Sllavo-Ballkanike, të pranishmit ndanë pikëpamje mbi rëndësinë e komunikimit mes gjuhëve.

“Sot po flasim per festimit e Gjuhes Arabe, ne lidhje me rendesine e madhe qe ka Gjuha Arabe ne perhapjen e kulturës”, tha i ngarkuari me punë i Ambasadës së Mbretërisë së Arabisë Saudite në Tiranë, Abdullah Al-Shehri.

Mbretëria e Arabisë Saudite po bën të pamundurën për të përhapur gjuhën e poezisë, gjuhën e arteve që ne po festojmë sot.

Qytetërimi arab është pjesë e rëndësishme e trashëgimisë kulturore të njerëzimit, një urë e rëndësishme kulturore që vendosi lidhjet mes trashëgimisë së botës antike me qytetërimin europian në shekujt XII – XIV.

Arabishtja është një gjuhë që për momentin është në zgjerim. Është një gjuhë që flitet nga qindra milionë banorë në botë, që e kanë gjuhë amtare rreth 300 milionë njerëz, dhe është një gjuhë që për shkak të fesë, flitet nga mbi një miliardë besimtarë të fesë islame, në dialekte të ndryshme.

LEXONI GJITHASHTU:

• Sulmet në Izrael, si po e pozicionon veten Hamasi në diplomacinë e Lindjes së Mesme
• Sulmet në Izrael, si po e pozicionon veten Hamasi në diplomacinë e Lindjes së Mesme