Ditët e Europës mbërrijnë në Gjirokastër, ja aktivitetet që po zhvillohen

Ditët e Europës tashmë kanë mbërritur edhe në Gjirokastër me një program të pasur aktivitetesh. Panaire, ekspozita, transmetim filmash, performanca artistike, etj kanë gjallëruar qytetin e gurtë duke evidentuar dhe promovuar vlerat europiane.

“Ne përfaqësojmë UNICEF me një program i cili do të zbatohet edhe në qytetin e Gjirokastrës, do punojmë në 14 bashki të shpërndarë në të gjithë Shqipërinë dhe programi ynë synon që të zgjerojë ose të krijojë shërbime të reja për kujdesin social në këto bashki”,- Elsa Zhega, kordinatore e UNICEF.

“Në panairin e sotëm përfaqësojmë fushatën Shqipëria është biodiversitet, që është një iniciativë e  financuar nga BE-ja Fushata ka të bëjë me  ruajtjen e biodiversitetit në Shqipëri dhe me rëndësinë për ta ruajtur këtë të fundit si një nga pasuritë më të mëdha kombëtare, të vendit tonë”,-tha Klejn Gracani, kordinator PPNEA.

Pjesmarrësit vlerësuan organizimin e Ditëve të Europës në zona të ndryshme të vendit,

” Është shumë pozitive sepse njihemi nga afër me publikun dhe me përfituesit e programeve të ndryshme që zbatohen në rrethe të ndryshme të Shqipërisë”,-tha Elsa Zhega, kordinatore UNICEF.

“I vlerësoj si aktivitete shumë të mira sepse vlerat natyrore të Shqipërisë nuk gjenden në qendër të Tiranës por gjenden në pjesët e shpërndara të Shqipërisë, natyra nuk është vetëm në kryeqytet është në Gjirokastër, është në Shkodër, është në Vlorë dhe kudo rreth e rrotull”,-tha Klejn Gracani, kordinator PPNEA.

Aktivitetet e zhvilluara tërhoqën edhe vëmendjen e turistëve dhe vizitorëve të pranishëm në qytetin e gurtë.

 LEXONI GJITHASHTU:

• Turistët e huaj preferojnë Korçën dhe eksplorimet në natyrë, të befasuar nga çmimet
• Aksident në Turqi/ Minibusi përplaset me betonieren, 8 të vdekur dhe 11 të plagosur