Eksperti i Sigurisë, Avenir Peka, ka folur në lidhje me sulmin e ndodhur pak ditë më parë në Moskë.

I ftuar në emisionin “Now” në Euronews Albania, ai nënvizoi se çështja është se kush fshihet pas sulmit ndërsa tregoi dhe për skenarin e mundshëm që mund të ketë presidenti rus Vladimir Putin.

Sipas tij, këtë rast Putin po e përdor për ta kanalizuar drejt Ukrainës.

“Ajo që është pothuajse e njohur ose e përcaktuar tashmë, është se këta elementë vijnë nga degë të ISIS. Pyetja që  shtrohet nga të gjithë është se kush është porositësi. Kjo lë të nënkuptohet se kush është ISIS. Unë nuk vë në dyshim se këta që kanë kryer aktin, vërtetë mendojnë ose e kanë kryer për llogari të ISIS, po çështja është kush fshihet pas kësaj. Në rastin konkret Putin po e përdor për ta kanalizuar drejt Ukrainës dhe aq më tepër që është gati duke filluar një ofensive të madhe që do të rezultoi fatale për Ukrainën. Në opinionin publik nuk po ngjit kjo ideja e lidhjes me Ukrainën. Deri dje rusët kanë hezituar ta lidhin me ISIS, sot Putin u detyrua ta lidh me ISIS,  por tha se do gjejmë se kush është porositësi”-tha ai.

LEXONI GJITHASHTU: 

• Torturat ndaj terroristëve të ISIS, Dritan Demiraj: Putin s’ka limite
• Gazetari nga Himara: Do shkohet në zgjedhje të parakohshme