“Do ketë një garë për kryeministër në PD”, Berisha: Cilido të vijë të më sfidojë

Sali Berisha tha pas daljes nga SPAK, ku u njoh zyrtarisht me akuzën për korrupsionit pasiv të kryer në bashkëpunim, tha në një komunikim për mediat se qëllimi i Edi Ramës është të kapë kokën e Partisë Demokratike duke burgosur kryetarin e saj.

I pyetur se kush do të jetë kandidati për kryeministër në PD pas zhvillimit të fundit ku ai u mor zyrtarisht si i pandehur, Berisha u shpreh se do të ketë një garë brenda PD pas zgjedhjeve dhe kushdo brenda PD mund të sfidojë atë.

“Unë kam dhënë një përkufizim; pas fitores së zgjedhjeve do ketë një garë për kryeministër. Cilido që dëshiron të vijë ta sfidojë Sali Berishën, por lideri i fushatës dhe i fitores pa diskutim jam unë”, tha Berisha.

LEXONI GJITHASHTU:

• Berisha zyrarisht i pandehur, zbardhet akuza e ngritur nga SPAK
• Berisha mohon akuzat e SPAK, sulmon Ramën: Nuk do ta marrë mandatin e katërt