Ambasadorja e Bashkimit Europian Christiane Hohmann është pyetur nga gazetarja Erla Mëhilli nëse do të ketë nga Brukseli vendime drastike për zyrtarët shqiptar të akuzuar për korrupsion.
Në intervistën e saj të parë për “Now” në Euronews Albania, ajo tha se aktualisht nuk ka asnjë nismë të tillë nga BE.
Më tej ajo sqaron edhe rregulat.
Erla Mëhilli: Zonja Ambasadore, për sa i përket zyrtarëve të korruptuar dhe jo vetëm, Shtetet e Bashkuara të Amerikës, por edhe Britania e Madhe duket se janë në unison për sanksionet ndaj zyrtarëve apo ish-zyrtarëve për korrupsion dhe jo vetëm. A do të ketë edhe nga Bashkimi Evropian sanksione mbi zyrtarët dhe ish-zyrtarët, pra të ndiqet e njëjta linjë që po ndjekin SHBA dhe Britania?
Ambasadorja: Nuk kam parë asnjë nismë të tillë në Bashkimin Evropian, është një vendim që merret nga 27 vendet anëtare, por nuk e kam parë deri më sot.
Erla Mëhilli: Pra, do të duhej miratimi i 27 vendeve anëtare për ta bërë diçka të tillë?
Ambasadorja: Po, ashtu duhet të jetë.
Erla Mëhilli: Dhe do të ishte e vështirë për të gjetur një konsensus mes 27 shteteve?
Ambasadorja: Unë nuk kam parë ndonjë propozim, në fakt. Duhet një propozim para se të diskutohet. Dhe nuk kam parë asnjë propozim.
LEXONI GJITHASHTU