“Do të vras”- Kanosi me thikë të moshuarin pas sherrit banal, arrestohet 36-vjeçari

Policia e Vaut të Dejës ka arrestuar shtetasin Andrea Mihaj, 36-vjeç, pasi kanosi me mjet prerës tip thikë, një 65-vjeçar pas një konflikti për motive të dobëta.

Pas zënkës që pati me bashkëfshatarin e tij të moshuar, 36-vjeçari ka marrë thikën dhe e ka kanosur me jetë.

Në cilësinë e provës materiale u sekuestrua mjeti prerës me të cilin dyshohet se u krye kanosja.

Materialet në ngarkim të Mihaj i kaluan prokurorisë së Shkodrës për veprime të mëtejshme.

“Specialistët për Hetimin e Krimeve të Komisariatit të Policisë Vau i Dejës, menjëherë pas marrjes dijeni për një rast kanosjeje në fshatin Fshat i Ri, Vau i Dejës, kanë organizuar punën dhe kanë mbërritur në vendngjarje, me qëllim kapjen e autorit të këtij rasti.

Si rezultat i veprimeve të shpejta procedurale, u arrestua shtetasi A. M., 36 vjeç, banues në fshatin Fshat i Ri, Vau i Dejës, pasi dyshohet se më datë 20.05.2023, pas një konflikti për motive të dobëta, në këtë fshat, ka kanosur me mjet prerës (thikë), shtetasin Gj. L., 65 vjeç, banues në Shkodër”, njofton policia.

LEXONI GJITHASHTU: 

• “Ik në Malësi”- Sherri banal në Kavajë dhe hakmarrja e Rexhës për të vëllanë
• U vra me plumb në kokë, viktima në Kavajë ishte kthyer nga Italia kur iu vra vëllai
• Fotoja e viktimës në lokal, u qëllua teksa pinte kafe me babin. Autori iku në këmbë