Dogjani për masakrën në Shkodër: Policia dështoi, dëshmitarët kanë frikë të flasin

Deputeti i Partisë Demokratike Asllan Dogjani ishte këtë të premte i ftuar në një lidhje direkte për Euronews Albania për të folur rreth ngjarjes së rëndë të ndodhur dy ditë më parë ku u vranë në një atentat Hamza Lici dhe Arlind Bushati.

Dogjani tha se problem më i madh në Shkodër është bashkëpunimi i policisë me krimin. Ai tha se në Shkodër të gjithë e dinë se kush e ka bërë krimin, por nuk guxojnë të tregojnë pasi u kërcënohet jeta.

“Në rastin konkret policia ka dështuar totalisht në parandalimin e veprave penale. Në Shkodër ka territore që unë kam informacionet e mia që nuk kontrollohen as fizikisht nga policia.

Shkodra ka një veçori në krahasim me qarqet e tjera. Sa i përket zbulueshmërisë është shumë e lehtë në Shkodër, pasi shkodranët bashkëpunojnë me Policinë e Shtetit, por sot ka ndodhur diçka që për shkak të një kohe të gjatë që krimi godet dhe nuk zbulohen vepra penale, ka filluar të humbasë besimi i komunitetit te policia.

Nga ana operative e dinë të gjithë Shkodranët se kush e ka bërë, por nga ana e të provuarit ëhstë shumë e vështirë, se ka pasur raste kur janë vrarë dëshmitarë ndërkohë që kanë qenë duke shkuar për të dëshmuar”,-tha Dogjani.

LEXONI GJITHASHTU:

• Masakra në Dobraç, Sali Berisha njofton mbajtjen e një proteste në Shkodër
• Qitësit ishin 2, iu afruan me Range Rover: Si ndodhi maskara me 3 viktima në Shkodër