Donnarumma në prag të largimit nga PSG, kush janë ekipet në garë për italianin

Pas një sezoni të jashtëzakonshëm, ku fitoi disa trofe përfshirë edhe Champions League, Gianluigi Donnarumma po konsideron largimin nga Paris Saint-Germain, teksa kontrata e tij po afron në përfundim.

Portieri italian ka qenë një nga figurat kryesore të skuadrës franceze dhe ka marrë shumë komplimente edhe nga trajneri Luis Enrique, por duket se Donnarumma nuk dëshiron të qëndrojë më në Ligue 1.

Interesimi për shërbimet e tij mbetet i lartë ndërsa së fundmi, raportohet se Manchester United po synon ta transferojë 26-vjeçarin.

Trajneri Ruben Amorim, i njohur për kërkesat e tij për një portier me siguri në portë, duket i bindur nga cilësitë e Donnarummës, ndërsa Galatasaray gjithashtu po monitoron situatën dhe ka bërë një ofertë zyrtare për PSG-në.

Shuma e ofertuar nuk është bërë publike, por thuhet se ka pëlqyer portierin, i cili pritet të presë edhe oferta të tjera, sidomos nga skuadrat kryesore të pesë ligave më të forta evropiane.

LEXONI GJITHASHTU:

• Brugge refuzon përfundimisht ofertën e Milan, kërkon 40 milionë euro për Jasharin
• Merkato në Itali/ Juventus refuzon 68 mln € për Yildiz, Milan këmbëngul për Jasharin