Dosjet e nxehta, gazetari: 3 vite në detyrë të Dumanit, afat i shkurtër për hetime

Gazetari Dashamir Biçaku u shpreh në një intervistë për Euronews Albania se 3 vite të qëndrimit në detyrë të Altin Dumanit në krye të SPAK, është një afat shumë i shkurtër për hetuar plotësisht krimin e organizuar dhe korrupsionin e zyrtarëve të lartë.

Biçaku tha se Altin Dumani dhe dy emrat e tjerë që ishin në garë për kreun e SPAK, kanë treguar gjatë viteve të punës se kanë kryer jo pak hetime.

“Dumani duhet të nisë punë menjëherë pa humbur kohë. SPAK përveç hetimit të dosjeve të rëndësishme që ka në Shqipëri të cilat lidhen me krimin e organizuar apo edhe me korrupsionin në administratën publike, ka sfida të rëndësishme për të hetuar. Duhet të hetohet pastrimi i parave që vijnë nga organizatat kriminale, ku shqiptarët janë të përfshirë jashtë Shqipërisë. Dumani por edhe emrat e tjerë kanë treguar se mund të realizojnë detyra të rëndësishme sa i përket hetimit të grupeve kriminale apo edhe korrupsioni të niveleve të larta. Mandati 3 vjeçar për përmbushjen e të gjithë detyrave është një afat shumë i i shkurtër”, u shpreh ai.

LEXONI GJITHASHTU:

• Dokumente të falsifikuara dhe ora të shtrenjta, dy të arrestuar në Durrës
• “Urdhër arresti ndaj Ahmetajt”, gazetari: Vendimi i SPAK që do godiste qeverinë
• Rudi Vata: Mbappe nuk mund ta arrijë nivelin e Messit