“Drejt Strasburgut”? Avokati Braho zbulon rrugën ligjore që do ndjekë Salianji

Avokati i Ervin Salianjit, Ledio Braho, ka komentuar në një intervistë për Euronews Albania lirimin me kusht të ish-deputetit, duke theksuar se ishte një hap i parashikueshëm dhe i drejtë, pasi të gjitha institucionet përkatëse, përfshirë IEVP Fier dhe Shërbimi i Provës, kishin qëndrim pozitiv ndaj kërkesës për lirimin.

Braho theksoi se nuk ka pasur asnjë arsye për ta penalizuar Salianjin dhe e konsideroi këtë si një çështje më shumë proceduraliteti sesa një çështje të së drejtës. Ai gjithashtu foli për çështjen ligjore që lidhet me vonesën e vendimeve nga Gjykata e Lartë dhe e konsideroi këtë një pengesë për të avancuar çështjen në Gjykatën Kushtetuese dhe më pas në Strasburg.

“Ishte normale ta përfitonte lirimin me kusht. IEVP Fier kishte qëndrim pozitiv, shërbimi i provës kishte qëndrim pozitiv kshuqë edhe prokurori do ta kishte, nëse jo, duhej të kishte një argument sepse do dukej si një hakmarrje e apstër politike.

Në çdo rast të lirimit me kusht, trajtohet sipas asaj çka përfaqëson individi  dhe Salianji nuk kishte asnjë nga ato kushtet që duhej ta penalizonte që mos ti pranohej kërkesa, këtë sot e konsideroj fiotre procedurale dhe jo e së drejtës.

Sa i përket faktit që do ti drejtohet Strasburgut, hapi i radhës është Gjykata Kushtetuese sepse pa u konsumuar dhe ky hap nuk shkon dot në Strasburg. Problemi është se kemi 4 muaj që nuk marrim një vendim të arsyetuar nga Gjykata e Lartë dhe kjo na ndalon që të shkojmë dhe në Gjykatën Kusshtetuese. Këto janë peripeci të kësaj çështje, vendimmarrje të tilla të janë pa arsyetuara.

Braho theksoi se ka pasur shkelje kushtetuese gjatë këtij procesi, duke përfshirë mungesën e një gjykate të paanshme dhe mosrespektimin e disa normave ligjore.

Ne kemi disa shkelje kushtetuese në këtë proces, duke filluar nga gjykata që nuk jemi në kushtet e gjykatës së paanshme, gjykatës së krijuar me ligj, nuk janë respektuar çështje të tjera ligjore, pra ka një sërë shkeljesh kushtetuese në çështjen e Salianjit”, tha Braho.