Një skandal i vërtetë është denoncuar të premten në Tetovë, përkatësisht në Spitalin e Gjinekologjisë, ku një nga mjekët specialistë ka xhiruar gratë në një nga sallat, madje i ka nxjerrë edhe live në TikTok, duke bërë një “ndeshje” me një person tjetër.
Pëllumb Vela, drejtor i spitalit klinik në Tetovë, tha në emisionin Good Morning Albanians në Euronews Albania se lidhur me këtë ngjarje pritet të mblidhet Oda e Mjekëve në Maqedoninë e Veriut që me gjasë do të vendosë heqjen e licencës për këtë mjek.
Ai tregoi se mjekun në fjalë punonte në spital që nga viti 2008 dhe nga komisioni i etikës i mbledhur pas ngjarjes janë konstatuar shumë shkelje etike nga mjeku në fjalë.
“Pas ngjarjes kemi mbledhur komisionin e etikës dhe kemi konstatuar shkelje të rënda, punë jo etike ndaj pacientëve, incizime të paautorizuara, kemi marrë vendim për pezullim nga puna. Oda e mjekëve do të mblidhet lidhur me këtë rast dhe ka gjasa t’i merret licenca si mjek”, tregoi ai.
LEXONI GJITHASHTU: