Droni zbulon bimë narkotike në Lazarat, 55-vjeçari i kultivonte në oborrin e banesës

Pas shumë kohësh që emri i Lazaratit nuk përmendej më për kultivimin e drogës, gjatë një kontrolli me dron mbi këtë fshat, Policia e Gjirokastrës ka evidentuar disa bimë narkotike Cannabis Sativa në oborrin e banesës së një 55-vjeçari.

Në njoftimin e saj, policia bën me dije se është arrestuar shtetasi Xh. Ç., 55 vjeç, pasi dyshohet se kishte kultivuar bimë narkotike në oborrin e banesës së tij në Lazarat.

Gjithashtu, është sekuestruar me cilësinë e provës materiale një pjesë e vogël e bimëve të ndërsa pjesa tjetër është asgjësuar përmes djegies.

Njoftimi i policisë

“Si rezultat i shtimit të kontrolleve të territorit, me dron, të cilat kanë objektiv parandalimin dhe goditjen e veprimtarisë kriminale të kultivimit të bimëve narkotike, Komisariati i Policisë Gjirokastër evidentoi një rast në këtë fushë. Për këtë rast u vu në pranga shtetasi Xh. Ç., 55 vjeç, pasi dyshohet se kishte kultivuar disa bimë narkotike Cannabis Sativa, në oborrin e banesës së tij, në fshatin Lazarat.

Kontrollet në kuadër të planit operacional “Koordinata”, vijojnë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme”, thuhet në njoftim.

LEXONI GJITHASHTU:

• Ngjarje misterioze në Dhërmi, 27 vjeçari nga Tirana zhduket nga hoteli
• I akuzuar për vrasjen e Bejtjas, lihet në burg “Pole Qorri”, çfarë tha para gjykatës