“Dyert e blinduara hapen me çelës bullgar dhe me acid”-eksperti zbulon taktikën…

Eksperti Kriminalist, Fatjon Softa tha në “Good Morning Albanians” se vjedhja për fat të keq është kthyer në profesion.

Ai tha se teknologjia nuk është një mjet që mund të ndalojë e as të reduktojë vjedhjen, pasi edhe hajdutët e përdorin atë.

Softa shpjegoi gjithashtu se si hajdutët tashmë mund të hapin dyert e blindura .

“Vjedhja është kryer në profesion. Nuk është punë, është vepër penale. Nuk e ndalon teknologjia. Dikush mendon se porta e blinduar i ndalon vjedhjet, jo, ajo është një portë më e mirë se një portë e zakonshme , por sot nuk bëhet më thyerja e banesave me leva, ato depërtojnë te cilindrat, te çelësat aty ku mbyllen dyert e blinduara.

]Dikur i famshëm ishte çelësi bullgar. Ky është një çelës i cili merr formën e bravës. Tani nuk mjafton çelësi bullgar, por duhet çelësi goditë dhe acidi. Është një çelës i mprehtë dhe i lëmuar, ai futet te elementët e saldaturës, goditet dhe fillon e prish elementët e saj e bën hapjen”,-tha Softa.