Meterologia Lajda Porja thotë se përkeqësimi i motit në vend ishte parashikuar disa ditë më parë.
Në emisionin “Good Morning Albanians” në Euronews Albania, Porja u shpreh se vetëm me reshjet e ditëve të fundit është tejkaluar kuota mujore për muajin nëntor në disa qytete.
“Në fakt, e pritshme dhe e parashikuar më herët, ku nga reshjet e konsiderueshme, sidomos zonat veriore, veri-perëndimore, vetëm për këtë episod kanë marrë rreth 200mm shi. Shkodra, Lezha, Kurbini, Kruja, por edhe Tirana kanë plotësuar kuotat mujore, por në këto zona ka rënë dyfishi.
Nëse në zonat veri-perëndimore, në Shkodër duhet të bien përgjatë gjithë nëntorit 205 mm shi, kanë rënë 405-410mm. Edhe Tirana është përfshirë nga reshjet e konsiderueshme që e kanë tejkaluar normën mujore vetëm me këtë episod. Kemi parë që ende vijojnë reshjet e shiut sidomos në zonat veriore dhe qendrore, aktualisht më pak reshje nga jugu”, theksoi ajo.”
LEXONI GJITHASHTU
- Drejtori i Emergjencave: 3500 hektarë tokë nën ujë, 24 familje janë evakuuar
- “Rrugët më problematike”, Berberi detaje për situatën në vend për shkak të reshjeve
- Drejtori i Emergjencave: E prisnim që të kishte dëme nga reshjet, por jo kaq shumë
