Dyrnjaja: Meta dhe Kryemadhi drejt divorcit. Marrëdhënia njerëzore ka marrë fund

Gazetari Denis Dyrnjaja tha në një intervistë për Euronews Albania se marrëdhënia mes Ilir Metës dhe Monika Kryemadhit, ka marrë fund edhe në aspektin personal, e madje sipas tij së shpejti mund të dëgjojmë edhe një divorc të tyre.

Duke komentuar deklaratat e ditëve të fundit të Metës dhe Kryemadhit, por edhe lëvizjet e ndodhur brenda Partisë së Lirisë, Dyrnjaja tha se ndonëse zonja Kryemadhi është shprehur se “marrëdhënia mes tyre është ngrirë në rrafshin politik”, sipas tij, krisja është më e madhe se kaq.

“Ajo tha që gjithçka është politike, por unë besoj se marrëdhënia personale e çiftit Meta, është krisur. Ajo tha e kemi të ngrirë për shkaqe politike sepse kemi kontradikta. Unë besoj se është personale., marrëdhënia ka mbaruar në aspektin personal.

Unë besoj se i mban bashkë interesi i bashkëveprimit në politik dhe pasojat që kanë këta të dy nga jeta e mëparshme dhe nga karriera në politik. Unë kam përshtypjen se së shpejti do të kemi një lajm për divorcin e çiftit Meta-Madhi. Nga ajo që shikoj mendoj se çiftit i ka ardhur fundi edhe nga marrëdhënia njerëzore”,-tha gazetari Dyrnjaja.

LEXONI GJITHASHTU:

• Manjani: Meta do arrestohej, por ja kush e ktheu vendimin e bujshëm
• Rrëfimi i Manjanit: Si u shndërrua Ilir Meta pas videos së Dritan Priftit