E ardhmja e Salah, egjiptiani arrin akordin personal me Al Ittihad

Muaj më parë as nuk mund të konsiderohej si lëvizje, por duket se dhe Mohamed Salah është joshuar nga Arabia Saudite.

Sulmuesi egjiptian ka marrë një ofertë nga një prej skuadrave kryesore atje, ndërsa dyshimet janë se bëhet fjalë për Al Ittihad. Sipas mediave britanike, Liverpoolit i janë ofruar plot 115 milionë euro për kartonin e futbollistit, ndërsa ai vetë do të përfitojë afro 200 milionë euro në një kontratë 3-vjeçare.

Pas publikimit të lajmit, Liverpool e cilësoi thashethem, por duket se diçka e tillë pritet të ndodhë, për faktin se Salah ka arritur një akord personal. Në këtë pikë Liverpool nuk ka se çfarë të bëjë tjetër, veçse në kohë rekord të gjejë zëvendësuesin e tij, por edhe kjo nuk është aq e lehtë. Ikja e Salah do të dobësonte së tepërmi 11shen e Jurgen Klopp, madje do t’i jepte përfundimisht fund sulmit Firmino, Salah, Mane, me dy lojtarët të cilët aktualisht janë në Arabinë Saudite.

Liverpool e ka nisur mirë sezonin e ri të Premier League, ku në dy ndeshjet e para, regjistron 1 fitore dhe 1 barazim. Këtë të diel kundërshtari i radhës ishte Newcastle, një ekip në të cilin investimet nuk kanë munguar, që kur prej në krye u vendosën sheikët nga Arabia.

LEXONI GJITHASHTU:

• Agjenti i Salah konfirmon: Egjiptiani mbetet në Liverpool
• Salah ‘shkëlqen’ ndaj City, Arsenali shkëputet me 4 pikë