E fejuara e Edmond Haxhisë, dëshmia që dekonspiroi grupin britanik

Gazetarja Aida Topalli tregoi në një intervistë për Euronews Albania pjesë nga dëshmia e të fejuarës së Edmond Haxhisë që dekonspiroi vrasësit e Ardian Nikulaj.

Ajo tregoi se vajza është marrë në pyetje nga policia dhe ka treguar takimet me shtetasin portugez, në shtëpinë e Edmond Haxhisë në Kakarriq të Lezhës.

“Bëhet fjalë për të fejuarën zyrtare të Edmnond Haxhisë. Ajo ka dhënë detaje mjaft të rëndësishme, ka konfirmuar për shtetasin portugez, duke thënë që e ka takuar në shtëpinë e të fejuarit në Kakarriq, kanë shkuar në Shkodër së bashku, kanë shkuar në Tiranë së bashku ku dhe kanë blerë motorin e përdorur në krim. Ka konfirmuar edhe fytyrat e shtetasve britanikë, por ajo kryesisht ka konfirmuar vrasësin”, tha gazetarja.

LEXONI GJITHASHTU:

• Gazetarja zbulon përplasjen politike të Ardian Nikulajt me Pjerin Ndreun
• Zbardhet operacioni! Si i zbuloi policia 3 nga të kërkuarit për vrasjen e Nikulajt