Gazetarja zbulon përplasjen politike të Ardian Nikulajt me Pjerin Ndreun

Gazetarja Bleona Sari tha në një intervistë për Euronews Albania se Ardian Nikulaj ishte person me peshë të madhe politike në zonë dhe kohët e fundit kishte konflikte me kryebashkiakun Pjerin Ndreu.

Shkak për përplasjen, që sipas saj ishte bërë shkak që Nikulaj të lëvizte me makinë të blinduar, ishte mbështetja e viktimës për kandidatin e “Bashkë fitojmë”.

“Ka pasur konflikte me Pjerin Ndreun. Nikulaj kohët e fundit lëvizte vetëm me makinë të blinduar, kjo del edhe nga burime të prokurorisë. Nikulaj kishte shprehur mbështetjen ndaj kandidatit të “Bashkë fitojmë” që ka sjellë përplasje mes tyre. një tjetër fakt është që një ndër informatorët ishte pranë Nikulajt. Vrasësi portugez ishte në dijeni të çdo lëvizjeje të Nikulajt, ndaj gjeti momentin kur në lokal ishte vetëm vjehrri i viktimës dhe një punonjës i lokalit për të ekzekutuar. Portugezi ditën e ngjarjes kishte qëndrua për 4 orë në lokal me Nikulajn, në të njëjtën ditë u largua, u kamuflua si shpërndarës picash dhe kreu ekzekutimin”, tha gazetarja.

LEXONI GJITHASHTU:

• Arrestohet edhe britanikja e përfshirë në vrasjen e Nikulajt
• “Vrasësit u strehuan në shtëpinë e viktimës”, gazetari tregon lëvizjet në Shëngjin