E hëna nis me çeljen e grupkapitullit të negociatave, Rama prezent në Bruksel

Kryeministri Edi Rama do të jetë në Bruksel të hënën për të marrë pjesë në Konferencën e 7-të Ndërqeveritare Shqipëri-Bashkimi Europian, ku më 17 nëntor do të çelet grupkapitulli i fundit i negociatave për anëtarësim.

Grupkapitulli V përfshin pesë fusha kyçe, Bujqësinë dhe Zhvillimin Rural, Politikat e sigurisë ushqimore dhe veterinarisë, Peshkimin, Politikat rajonale dhe koordinimin e instrumentave strukturore, si dhe Dispozitat Financiare dhe Buxhetore.

Ky kapitull synon modernizimin e bujqësisë, dixhitalizimin e zinxhirit ushqimor, forcimin e sigurisë ushqimore, menaxhimin e qëndrueshëm të sektorit të peshkimit, si dhe përgatitjen për pjesëmarrje më efektive në politikat e zhvillimit rajonal dhe përputhjen me standardet europiane të financave publike.

Pas përfundimit të punimeve, Kryeministri Rama do të mbajë një konferencë të përbashkët për shtyp me Komisioneren për Zgjerimin e BE-së, Marta Kos, dhe Ministren e Punëve të Jashtme të Danimarkës, Marie Bjerre.

LEXONI GJITHASHTU:

• “Buxheti më i madh pas anëtarësimit në NATO”, Vengu: Do prodhojmë sistemet anti-dron
• Rama: Raporti i 2027 duhet të rekomandojë anëtarësimin e Shqipërisë