“E para do jetë puna”, Klosi: Rama e mbajti fjalën. Kundërshtarët u shkërmoqën

Partia Socialiste ka çelur punimet e Kongresit të Jashtëzakonshëm në sallën e Pallatit të Kongreseve.

Sekretari i përgjithshëm i Partisë Socialiste, Blendi Klosi tha në hapje të këtij kongresi tha se politikat duhet të ndërohen me fjalën e mbajtur gjë që sipas tij, Partia Socialiste e ka bërë me vite me radhë.

Ai tha se duke punuar fortë Partia Socialiste ka arritur të mposhtë të gjithë kundërshtarët e saj.

“Në fillim ishte fjala, thonë librat e shenjtë. dhe politikat me fjalën e mbajtur ndërtohen. I dha fjalën Edi Rama këtij kongresi dhe Partisë socialiste në fillim të opozitës në 2005 se e para do jetë puna. Puna për të organizuar një parti socialiste të fortë, të pathyeshme dhe krenare.

Një parti që të jetë besnike e Shqipërisë dhe interesave të qytetarëve e të saj. Një parti të mirëorganizuar në çdo qelizë të saj që njeh dhe jeton me vajbin e qytetit dhe me zhvillimin e fshatit, që i përkulet çdo halli dhe ballafaqohet me çdo sfidë. Duke punuar shumë ia kemi dalë  të jemi shumë të fortë dhe të fitojmë çdo betejë elektorale nën drejtimin e Edi Ramës.

Të organizojmë jo vetëm 100 mijë anëtarët tanë por të gjithë progresistët e këtij vendi, duke ndërtuar një mur të madh elektoral, në përballje e të cilit janë shkërmoqur të gjithë kundërshtarët tanë, të gjithë bashkë apo veç e veç. Duke qenë në koalicion apo jo, ata janë shkërmoqur përball nesh. Ata duken shumë të dobët se ne me Edi Ramën jemi shumë të fortë”,-tha Blendi Klosi.

LEXONI GJITHASHTU:

• Kryeministri i Spanjës përshëndet Kongresin e PS: Shqipëria shembulli progresi
• Nis Kongresi i PS| Rama në krah Gramoz Ruçit, Spiropali mban fjalën hapëse