‘E turpshme”, Rama për hakerimin: Gjyqet me median për shpifje s’i kam praktikë

“Është e turpshme që të gënjehet publiku në këtë farë feje, cilatdo qofshin motivet e kësaj valë shpifjesh haluçinante”.

Kështu deklaron kreu i qeverisë shqiptare, Edi Rama për lajmet e publikuara në media për sulmin kribernetik që ka përfshirë prej disa ditësh sistemet online në vend.

Rama i bën thirrje Top Channel që të ndalë menjëherë “valën e shpifjeve dhe përhapjen e panikut lidhur me pasojat e agresionit kibernetik mbi Shqipërinë”.

Në një postim në Twitter, kreu i qeverisë nënvizon se gjyqet me median për shpifje, përfshirë edhe shpifjet që përhapin panik, nuk janë në praktikën e qeverisë që ia drejton.

Prej disa ditësh, sistemet online në vend janë sulmuar nga hakerat.

Sipas Agjencisë Kombëtare të Informacionit, sulmi i sofistikuar drejt sistemit të informacionit, vjen nga jashtë Shqipërisë.

Ky institucion bën thirrje për qytetarët, mediat, bizneset dhe gjithë aktorët e tjerë, të sensibilizohen për të thyer këtë sulm ndaj interesave kombëtare shqiptare.

Dje u njoftua nga Kryeminstria, se faqet online të ministrive dhe sistemi i fiskalizimit tashmë janë funksionale.

LEXONI GJITHASHTU:

• ‘Sulm kibernetik nga jashtë Shqipërisë’, AKSHI bllokon shërbimet online
• ‘Hakerat kërkojnë 30 mln euro’, Rama përgenjështron: Ndalni valën e shpifjeve