Edvin Prençe: Ja pse qeverisë i intereson forcimi i lekut

Edvin Prençe, kryetar i shoqatës “Pro-Export” tha në një intervistë për Euronews Albania se qeverisë i intereson forcimi i lekut për shkak të borxhit publik që është në valutën euro.

Sa i takon sektorit të eksporteve, Prençe tha se mbi 80% e tij bazohet jo në blerjen e lëndës së parë, por vetëm në hakun e punës.

“Pra, po flasim për një sektor që në shumicën e saj, në përqindjen më të lart thjesht është prodhues i materialeve me lëndët e para të furnizuara nga klientët principal. Ajo çfarë ne rishikojmë herë pas here dhe kjo nuk vjen për shkak të fajit të brand-eve të huaja, por për shkak të lëvizjeve të shpeshta fiskale dhe shtesës së fundit që u bë me rritjen e pagës minimale. Po flasim për bashkëpunimin që kemi me firmat e huaja që të paktën kanë një kontratë minimale 1-vjeçare dhe në shumë raste shkojnë deri në 3 vite, me çmime të fiksuara me kursin e asaj periudhe kur është përpiluar kontrata.

Duke qenë e tillë, në shumë raste, brand-et e huaja nuk pranojnë këtë rritje të çmimit që ne kërkojmë pasi është një problematikë e jona e brendshme,” – u shpreh Prençe.

LEXONI GJITHASHTU:

• Përfaqësuesi i eksporteve bujqësore: Rënia e euros po na falimenton
• Shpjegon eksperti: Pse euro ka rënë më shumë në Shqipëri se në Serbi apo RMV