Egnatia, tjetër miqësore në Itali! Rrogozhinasit do të përballen me Napolin

Skuadrat shqiptare gjithnjë e më tepër po njihen me futbollin evropian, gjë të cilën më parë e kanë pasur thuajse të pamundur për të arrirë. Në verën e shkuar ishte Egnatia që zhvilloi një miqësore me Interin, e po ashtu ekipi i Partizanit që luajti ndaj Romës. Këtë herë, rrogozhinasit do të zhvillojnë një tjetër përballje që mund të konsiderohet luksi, e bëhet fjalë për Napolin. Kampionët e Italisë të 2 sezoneve më parë do të luajnë ndaj Egnatias më 28 korrik.

Pasi arritën të triumfojnë në kupë e kampionat, duke fituar një dopietë trofesh, Egnatia synon të ngrejë edhe më lart emrin në arenën ndërkombëtare, ndërsa rruga e zgjedhur është nëpërmjet miqësoreve. Ky është një marketing i madh për ekipet shqiptare, por më tepër për futbollistët të cilët do të jenë nën vëzhgimin e skautëve.

Më 13 gusht, Egnatia mposhtej nga Interi në shifrat 4-2, me golat e shënuar nga i ndjeri Dwamena dhe Fernando Medeiros. Kujtojmë se pak ditë më parë u eliminuan nga Champions League nga skuadrat boshnjake e Borac Banja Luka.

LEXONI GJITHASHTU:

• Bayerni zyrtarizon sulmuesin Olise, në pritje të nënshkrimit me Palhinha
• Shpalli kampion Leicester-in, trajneri italian tërhiqet pas 38 vitesh nga futbolli