Ekonomistja: 50% e popullsisë shqiptare, në limitin e varfërisë

Ekonomistja Zana Guxholli tha në një intervistë për “Good morning Albanians” në Euronews Albania se 50% e popullit shqiptar është në limitin e varfërisë.

Ajo sqaroi se kur me zor ja dalin personat që kanë të ardhura të mesme, që konsiderohen të mira, ata që janë me pension apo ndihmë sociale kanë shumëfish vështirësi. Ekonomistja shtoi se sot nuk bëhet më fjalë për të kursyer, por thjesht për t’ia dalë me shpenzimet.

“Një ndryshim i vogël e rrëzon menjëherë në varfëri atë 50% që ne themi se është në limit dhe rrogat që quhen të qëndrueshme, rroga minimale 30 mijë lekë të reja përsëri është tejet e pamjaftueshme,” – u shpreh Guxholli.

Sipas saj nuk është për t’u habitur që studimi i Komisionit Europian ka dalë në përfundimin se 70% e punonjësve shqiptarë hasin vështirësi në plotësimin e nevojave të tyre mujore.

LEXONI GJITHASHTU:

• Shtëpi e re për familjen e varfër pas lajmit të Euronews, lajmëron prefekti i Korçës
• 70% e shqiptarëve nuk mbyllin dot muajin me të ardhurat