Eksperti Gjinaj: Qytetari paguan lekë në xhep te sekseri për të marrë patentën

Tonin Gjinaj sekretar i Përgjithshëm i auto-shkollave është shprehur se auto-shkollat duhet të kenë një listë çmimesh të caktuar në mënyrë që tek tatimet të jenë të gjithë të barabartë.

Në një intervistë për Euronews Albania, ai shtoi  qytetari i paguan lekët e patentës në xhepat e sekserëve duke shtuar se Drejtoria e Tatimeve duhet të vendos që pagesat të bëhen në bankë.

Më tej ai denoncoi se shumë persona që japin mësim në auto-shkolla i kanë patentat e blera.

“Auto-shkollat  duhet të kenë një listë çmimesh. Tek tatimet duhet të jemi të gjithë të barabartë. Nëse nuk shkojmë te tatimet të gjithë të barabartë atëherë s’kemi shkuar askund. Tani nuk mund të hapen autoshkollat si taksi.Ka dhe inxhinierë që kanë blerë diplomat e s’dinë të japin mësim. Vetëm këtë javë janë hequr 13 autoshkolla të ndryshme. Drejtoria e Tatimeve nuk bën policin në çdo vend, faji është ligji. Nuk ka kontroll mbi qytetarin. Qytetari i paguan lekët në xhepat e sekserëve . Përse drejtoria e tatimeve nuk i kalon që pagesën ta bëjë në bankë”- tha ai.

LEXONI GJITHASHTU: 

• Regjistrohet vdekja e parë në botë nga gripi i shpendëve
• “Patenta kushton sa një paketë cigaresh”, Gjinaj: Po prishet tregu i autoshkollave