“Patenta kushton sa një paketë cigaresh”, Gjinaj: Po prishet tregu i autoshkollave

Sekretari i përgjithshëm i Shoqatës së Autoshkollave tha se një nga problemet kryesore që po  bën që të rinjtë të marrin patenta pa mësuar janë autoshkollat private që po prishin tregun me çmimin e ulët.

Sipas tij disa prej tyre deklarojnë te tatimet 20 mijë lekë të vjetra apo 40 mijë lekë të vjetra për lejet e drejtimit. Ai shtoi se tashmë në Shqipëri të marrësh patentën  është njësoj si të paguash për një paketë cigare.

“Patenta sot në Shqipëri, ka një çmim njëlloj si të marrësh një paketë cigare. Pra autoshkollat deklarojnë që japin patentë 200 mijë lekë më gjithë karton. Imagjinoni që ne nuk e dimë se sa kohë i duhet një kandidati për t’u përgatitur, se dikush do më shumë kohë, dikush më pak. Rimarrjet e pikëve kanë vetëm një kapitull për të mësuar, që ka rreth 400 pyetje edhe atë nuk e mësojnë”,-tha Tonin Gjinaj, sekretar i përgjithshëm i Shoqatës së Autoshkollave.

LEXONI GJITHASHTU:

• Tiranë: Escobar bën thirrje për kandidatë me integritet në zgjedhje
• Likaj: 90 % e të testuarve ngelin në provimet e patentës, nuk ulen të lexojnë